Fort Amsterdam ta situá den e bario di Punda na Kòrsou.
E Fòrti ta na un punto strategiko riba tera na suitost di bahia di Santa Ana na entrada di e bahia.
Aktualmente e edifisio ta ser usá komo ofisina di Gobiernu di Korsou, promé ku òktober 2010 e fòrti a fungi komo ofisina di gobièrnu di Antias Hulandes. Mas aleu den e forti por enkontra kas di gobernador i un iglesia. E fòrti ta aparesé riba lista di UNESCO.
Iglesia den Forti
Historia.
Na 1634 ora ku Kòrsou a kai den man di West-Indische Compagnie(WIC), desishon a kai pa konstruí e fòrti bou di guia di Johaan van Walbeek den periodo di 1635 pa 1636. E edifioso a fungi komo ofisina principal di WIC
Atrako.
Riba 8 di yüni 1929 e fòrti a ser atraká dor di revolushonario di nashonalidat venezolano Rafael Simon Urbina. Urbina a logra hui ku diferente arma i tambe kaha di plaka pa bringa kontra e gobiernu di Venesuela. E atrako a tuma lugá pa motibu di mal kalidat di seguridat, e situashon aki a laga Hulanda su kara na bèrguensa. Hulanda a tuma un desishon pa manda di diferente barku di guera i marina pa enkargá nan mes ku defensa di Antias Hulandes.
