Konseho di Siguridat di Nashonnan Uní i Union Europeo ta imponé sanshonnan internashonal. Nan ta hasi esaki kontra paisnan, organisashonnan, kompanianan i personanan. Por ehèmpel, den kaso ku tin un menasa pa pas i seguridat internashonal. Tambe Union Europeo por imponé sanshonnan pa defendé pas, seguridat internashonal, derechonan humano, kumplimentu ku leinan internashonal, demokrasia i estado di derecho. Esaki ta basá riba e Akuerdo Komun di Relashonnan Eksterior i Seguridat di Union Europeo
Asina tin por ehèmpel, sanshonnan pa prevení distribushon di arma nuklear. Tambe tin sanshonnan kontra pais, organisashon i persona ku ta violá derechonan humano òf persona ku ta envolví den aktividatnan terorista.
Sanshonnan ta medidanan obligatorio. No ta hasi uso di medio militar den sanshonnan internashonal di Nashonnan Uní i Union Europeo. E tipo di sanshon ku por ser imponé ta:
E meta di sanshonnan internashonal ta:
Kambia kondukta no deseabel di persona, kompanianan, organisashonnan òf paisnan;
Hasi mas difísil pa sigui komportá di manera indeseabel;
Desanimá otro partidonan pa sigui e mes komportashon indeseabel.
Sanshonnan básikamente ta di karakter temporal i ta traha di manera preventivo. Na momentu ku e partido ku a demostrá komportashon indeseabel stòp ku esaki, e sanshonnan ta ser eliminá. Tur siudadano, empresario i organisashon na Kòrsou ta obligá di kumpli ku e sanshonnan di UN i VN.
Komo ku Kòrsou ta forma parti di Reino Hulandes e sanshonnan ta aplikabel na Kòrsou tambe a base di e Lei di Sanshon (nashonal), na Hulandes e Sanctielandsverordening i e Lei di Sanshon di Reino, na Hulandes: Rijkssanctiewet. Kua regimen di sanshon internashonal eksaktamente ta aplikabel, por mira den e Lei Omnibus, na Hulandes Omnibus-Sanctiebesluit Curaçao.
EU semper ta adoptá un sanshon internashonal despues ku Konseho di Siguridat di Nashonnan Uní a aprobá un resolushon pa esaki. Pero EU ta imponé tambe su mes sanshonnan saká for di e Akuerdo Komun di Relashonnan Eksterior i Seguridat di EU.
Union Europeo ta publiká mensualmente un resúmen di medidanan di sanshon ku a ser imponé via: https://www.sanctionsmap.eu/#/main
Tantu Nashonnan Uní i Union Europeo ta mantene lista konsolá di organisashonnan, kompanianan i personanan sanshoná.
Pa Nashonnan Uní:
https://main.un.org/securitycouncil/en/content/un-sc-consolidated-list.
Pa Union Europeo
Organisashonnan di supervishon i ehekushon tin un ròl importante pa supervisá i enforsá e sanshonnan.
Na Kòrsou e ehekushon di sanshonnan di Union Europeo i Nashonnan Uní ta wòrdu enforsá entre otro pa e siguiente organisashonnan:
Pa e sektor empresarial na Kòrsou esaki ta nifiká ku mester dediká èkstra atenshon na ken ta su kliente pa medio e prinsipionan Konose bo kliente (Know Your Customer & Customer Due Diligence manera preskribí den Lei di identifikashon, na Hulandes Landsverordening identificatie bij dienstverlening i Lei di mèldu transankshonnan no usual, na Hulandes Landsverordening melding ongebruikelijke transacties.
Si abo komo empresario tin pregunta, bo por akudí na Ministerio di Asuntunan General via di e-mail: sanctions.dbb@gobiernu.cw
E siudadano semper bai por akudí na e Loket Digital di Gobièrnu: https://loketdigital.gobiernu.cw/contact
