Bo opinion

Notisia

17 Sentro Pre-eskolar ta risibí nan pèrmit

Geplaatst op 26 January 2020 dor di Ministerio Enseñansa, Siensia, Kultura & Deporte

WILLEMSTAD- Gobièrnu di Kòrsou representá pa sra. drs. Marilyn Alcalá-Wallé, riba 24 yanüari, Dia Internashonal di Edukashon, a entregá pèrmit na diferente sentronan pre-eskolar ku a kana un trayekto di preparashon pa kumpli ku eksigensianan di kalidat pa por operá un sentro pre-eskolar.

Gobièrnu di Kòrsou a duna alargamentu di pèrmit na 22 sentro pre-eskolar ku anualmente ta keda evaluá ya pa 2 aña kaba, pa nan pèrmit pa por operá keda bálido. Riba e mes fecha akí Gobièrnu di Kòrsou a hasi entrega na 17 pèrmit mas na sentronan pre-eskolar ku a risibí esaki pa promé biaha. Sentronan pre-eskolar mester kumpli ku e eksigensianan preskribí den e Ordenansa ku ta rigi kalidat di sentronan pre-eskolar ku ta e “Landsbesluit van de 27ste September 2017, no. 17/2651 houdende vaststelling van de geconsolideerde tekst van de geconsolideerde tekst van de Eilandsverordening Kinderopvang Curaçao”.

Algun di e eksigensianan akí ta:
Mester tin lider ku sertifikashon di promé asistensia(“EHBO”); E direktor mester tin un diploma di HBO; Sentronan mester risibí inspekshon di Brandweer, Servisio pa Planifikashon Urbano, departamentu pa salubiridat hubenil i tambe di e departamentu di inspekshon di sentronan pre-eskolar ku ta resortá bou di Sektor di Kultura i Deporte; Trahadónan pedagógiko mester tin un prueba di bon komportashon i e nivel pa traha ku ta keda eksihí. Tambe sentronan pre-eskolar mester tin un seguro bálido pa tur e muchanan ku ta bishitá e sentro i tambe un kuríkulo pa por salbaguardiá mas tantu posibel e base sólido i un bon konekshon na Enseñansa di Fundeshi.

E 22 sentronan ku a risibí un alargashon di nan pèrmit ta: 01. Kdv & NSO Mi San Antonio, 02. Krèsh Bai Bini, 03. Krèsh Tera Kora, 04. Krèsh Sta. Rosa, 05. De Zonnebloem Peuterschool & Naschoolse Activiteiten, 06. SmartStart Learning Center, 07. Kinderdagverblijf De Dotjes B.V. 08 Luna Kresiente 09. A Child’s Dreams, 10. Pedagogia, 11. Pitufonan Kontentu, 12. Muchanan Balente, 13. ’t Wonderkasteel, 14. Krèsh Cuido Infantil, 15. Villa Kakelbont, 16. Fundashon Elias, 17. Fundashon Ora pa Muchanan Uní, 18. Little Einstein, 19. Kinderdagverblijf Jip & Janneke, 20. Kinderdagverblijf De Tantes N.V., 21. Happy Kids Corner, 22. Mi Amiguito.

E 17 sentronan ku a risibí un pèrmit pa promé bes ta: 01. Stichting Naschoolse Activiteiten (SNA) Christelijke Peutercentrum De Pareltjes Marnix FO, 02. Stichting Naschoolse Activiteiten (SNA) Christelijke Peutercentrum Dr. Albert Schweitzer FO, 03. Kindercentrum Kidsz Academy, 04. Kinderdagverblijf en Naschoolse opvang De Vlindertuin, 05. Fundashon Kuido i Desaroyo pa Mucha, 06. Krèsh Muchanan Sonriente, 07. The New All4Kidsz Pre-School, Muchanan Alegre i Kontentu, ENG Administratie, 08. Sentro Pre-Eskolar Mi Pret’i Wowo, 09. Fundashon Ban Uni Pa Nos Muchanan (De Maan), 10. Margaritha Pre-Eskolar, 11. KinderAcademie Kennis, 12. Peuterschool De Maatjes, 13. Shining Stars Education Center, 14. Kermit Peuterschool, 15. Stewies Minies, 16. Stichting Bon Base Peuterschool i 17. Tiny Kids Pre-School.

Gobièrnu di Kòrsou ta yama kada un sentro ku ta kumpli danki i ta hasi e petishon pa nan por sigui mantené nan kalidat manera mester ta. Tambe Gobièrnu di Kòrsou ta gradisí fundashon SIFMA/ODIM i tambe Fundashon Desaroyo i Progreso pa un bunita programa di konmemorashon dunando realse na e Dia Internashonal di Edukashon ku tabata un ékito rotundo. Tabatin presentashon di Muchanan ku ta bishita Maduro School i kolegio Dodo Palm después di ora di skol bou di guía di Fundashon Desaroyo i Progreso, Juni Pieter ku un tremedo presentashon, Pro Bista, Dennis Aalse, Krea Diva, SGR-Groep, Prins Bernhard School despues di ora di skol, FDDK, FAJ, Bos di Hubentut i un danki alabes na e Maestro di Seremonia sr. Glenn Thomas.

Gobièrnu di Kòrsou ta sigui traja riba e trayekto pa mas sentro Pre-eskolar por kumpli ku tur e eksigensianan pa por brinda komunidat mihor kalidat di Edukashon i Formashon.

Pa mas potrèt por bishita e link aki: Relato Fotográfiko

Pa un bunita video di e aktividat Klik aki;

Programa Konmemorashon

Sentronan Pre-eskolar (0-4 aña) mester kumpli ku diferente eksigensia pa garantisá kalidat di formashon pre-eskolar. Resientemente 22 sentro ku ya ta kumpli ku e eksigensianan di lei, a haña un permit nobo despues ku esun bieu a kaduká. Mientras 17 sentro mas a risibí nan pèrmit pa operá un Sentro pre-eskolar despues di a kana un trayekto intensivo di preparashon. Un pabien na tur e 39 sentronan pre-eskolar ku ta kumpli ku e kalidat, pa forma un mihó komunidat!

Posted by Minister van Onderwijs, Wetenschap, Cultuur & Sport on Monday, 27 January 2020

Sentronan Pre-eskolar (0-4 aña) mester kumpli ku diferente eksigensia pa garantisá kalidat di formashon pre-eskolar.  22 sentro ku ya ta kumpli ku e eksigensianan di lei, a haña un permit nobo despues ku esun bieu a kaduká. Mientras 17 sentro mas a risibí nan pèrmit pa operá un Sentro pre-eskolar despues di a kana un trayekto intensivo di preparashon. Un pabien na tur e 39 sentronan pre-eskolar ku ta kumpli ku e kalidat, pa forma un mihó komunidat!

Ministerio konserní