2 Botikario i 2 Asistente Botikario a huramentá serka Minister Jesus- Leito - Informashon tokante Gobièrnu di Kòrsou Bo opinion

Notisia

2 Botikario i 2 Asistente Botikario a huramentá serka Minister Jesus- Leito

Geplaatst op 10 May 2021 dor di Ministerio Salubridat Públiko, Medio Ambiente i Naturalesa

WILLEMSTAD – Resientemente Minister di Salú, Medio Ambiente i Naturalesa señora Zita Jesus- Leito MBA, a huramentá dos Botikario i dos Asistente Botikario. Drs. Henriëtta Gisella Dieleman i drs. Laurentius Martinus Adrianus Favié a huramentá komo Botikario i Esma Ertekin i Kelly de Vries a huramentá komo Asistente Botikario.

Minister Jesus- Leito ta enkargá ku huramentashon ofisial ku mandato di Gobernadó i señora Erseline Ramazan a atendé e parti protokolario. Di e forma akí e kuater personanan ku a huramentá a kumpli ku eksigensianan di nos leinan vigente pa nan por ehersé nan profeshon. 

Despues di e akto ofisial Minister Jesus- Leito a felisitá e kuater personanan ku a bini for di Hulanda i a deseá nan tur klase di éksito durante nan estadia aki na Kòrsou. Henriëtta Dieleman a drenta servisio na botika di CMC pa remplasá un kolega ku a regresá Hulanda i Laurentius Favié, Esma Ertekin i Kelly de Vries a bini komo boluntario pa yuda den botika di CMC relashoná ku situashon di COVID-19.

Riba potrèt 1, drpd: Minister Jesus- Leito, drs. Henriëtta Dieleman i drs. Laurentius Favié despues di e akto ofisial.

Riba potrèt 2, por mira momentu ku Esma Ertekin i Kelly de Vries ta huramentá ante Minister Jesus- Leito.

Ministerio konserní