3 kaso di Covid-19 bou di klientenan den SDKK - Informashon tokante Gobièrnu di Kòrsou

Notisia

Ministerio konserní Hustisia
 

3 kaso di Covid-19 bou di klientenan den SDKK

Publiká riba 08 Yanüari 2022

WILLEMSTAD – Resientemente gerensia di prizòn a informá ku no tin ningun kaso di COVID-19 den instituto, pendiente pa e resultadonan di tèst ku mester a drenta segun ku e detenidonan ta indiká ku nan ta malu òf tin síntoma. 

Entretantu algun resultado a drenta na departamento médiko di prizòn ku e resultado ku tin 3 kaso positivo den SDKK. Mesora a tuma e medidanan nesesario konforme prosedurá pa asina tene mas kontagio di e vírùs abou. 

Tambe gerensia di prizòn tin ku informá ku a laga tur personal ku ta traha den e departamento kaminda tabatin kontakto direkto ku e detenidonan pa bai tèst. Gerensia di prizòn lo sigui traha duru pa prevení i mantené kontagio ku COVID-19 abou den e instituto.