Publiká riba 22 Yüni 2018
Awe e ministernan sra. Camelia RÖmer DI KÒRSOU, SR. lEE DI ST. MAARTEN, SR. ODUBER DI ARUBA I SECRETARIO DI ESTADO DI ULANDA SR. BLOKHUIS tin tur ATENSHON PA SALÚ, den UN ENKUENTRO ENTRE E KUATER PAISNAN.
WILLEMSTAD– Awe mainta después di basta luna di preparashon e Ministernan di Salú, sra. Suzy Camelia-Römer, sr. Lee di St. Maarten, sr. Oduber di Aruba i sekretario di estado sr. Blokhuis di Úlanda ta papia tokante diferente tema ku e tres islanan i Ulanda tin en komun ku mester di atenshon.
E tópikonan ku lo keda tratá ta entre otro tópikonan formulá den e asina yama International Health Regulations (IHR), ku a keda stipulá pa e Organisashon Mundial di Salú (WHO). Tambe e mandatarionan lo papia di kuido preventivo ku tin ku sὸru pa e hende ta salú i e kuido kurativo ku ta sὸru pa e hende ku ya ta sufrí di un malesa haña e mihó kuido posibel.
E deliberashonnan tin komo meta pa e kuater paisnan yega na kolaborashon riba diferente aspekto di maneho di salubridat lo kual tin benefisio pa e pueblonan den forma di kompartí konosementu, mas spesialisashon i mihó servisio. Den e relato despues di e reunion di awe, lo duna mas detaye di kiko a logra konkretamente i kiko ta e tópikonan ku lo siguí traha riba dje.
Pa awe merdia lo tin un rueda di prensa 15.00 or di atardi, ku lo por siguí via nos prensa en bibu.
