45 aniversario komo empleado públiko
Publiká riba 18 Ougùstùs 2023
WILLEMSTAD – Resientemente Ministerio di Enseñansa, Siensia, Kultura i Deporte (ESKD) a sorpresá Sekretario – General sra. Susan Larmonie – van Heydoorn ku un bunita selebrashon na su honor pa motibu di su 45 aniversario komo Empleado Públiko. Minister di ESKD sr. Sithree van Heydoorn a honra e aktual Sekretario – General di Ministerio di ESKD i a yamé danki pa tur su esfuerso i dedikashon na Gobiérnu.
Minister sr. S. van Heydoorn huntu ku koleganan di Ministerio a organisá e aktividat aki pa e Sekretario – General ku a keda sorpresá ku presensia di su famia di forma físiko i virtual na e selebrashon. Por mira bèk riba un selebrashon bunita na honor di e Sekretario-General sra. Susan Larmonie – van Heydoorn.
*****************************************
