Publiká riba 31 Mei 2019
Despues a sigui marcha bai Berg Altená kaminda historia a marka herido i morto, pa despues trahadornan sigui direkshon di Willemstad sin lider na kabes. Resultado: dos nubia di kandela, 60 edifisio aden. Mas di 100 otro edifisio destruí i sakeá, kaminda negoshantenan ku no tabatin nada di haber ku e wèlga, a pèrde nan pertenensia, trahadornan den Punda i Otrobanda a pèrdè trabou, merkansia a pèrdè, diferente negoshi no a habri mas. Willemstad, nos sentro históriko a pèrdè hopi.
Di e otro banda e lucha pa igualdat laboral tabata unu hustu. E fecha 30 di mei a trese hopi kambio i oportunidat pa e yu di Kòrsou komun. Den su intervenshon Minister di e.o. Kultura sra. Marilyn Alcalá-Wallé a bisa ku tin diferente pregunta:
1. Kon 30 mei a impaktá nos?
2. Kiko nos a siña for di dje?
3. Kon nos ta bai sigui konstruí i rekonstruí nos pais?
4. Kua oportunidat ela duna nos?
5. Despues di 50 aña, kon a para ku nos ekonomia, nos bida sosial, kondishonnan laboral, nos klima polítiko awor ku nos mes ta na timon, nos rèspet un pa ku e otro?
E historia ta sweet: sindikato a kambia e panorama laboral, ekonomiko, sosial i polítiko.
E historia ta sour: Willemstad na kandela, destrukshon, sakeo di esnan inosente i pèrdida di kupo di trabou.
50 aña despues………nos ta den moveshon!
Tin speransa…tin futuro! Ban traha #huntu pa logr’é!
—
Minister di Enseñansa, Siensia, Kultura & Deporte