Publiká riba 08 Òktober 2023
Willemstad – 9 di òktober ta Dia Mundial di Pòst. Na nòmber di Ministerio di Tráfiko, Transporte i Planifikashon Urbano,
Minister Sr. Charles Cooper ta ekstendé un kaluroso pabien na e tim kompletu di Cpost International, i tur persona ku ta laborá den e sektor di pòst na Kòrsou.
E sektor postal i logestiká na Kòrsou ta unu importante. Nos suidadanonan i komersiantenan ta hasi uso di e sektor aki pa entre otro kumpra produktonan ‘online’.
Ta evidente ku esfuerso, dedikashon i pashon, di e tim di Cpost International a hasi Cpost International Kòrsou, un provedor di servisio postal konfiabel.
Minister Cooper ta enkurashá CPost International pa sigui ku e bon trabounan ehersé, éksitó pa futuro, i un bia mas masha pabien!