A logra pone sèn un luna mas pa rekargo karchi sosial di komestibel - Informashon tokante Gobièrnu di Kòrsou Bo opinion

Notisia

A logra pone sèn un luna mas pa rekargo karchi sosial di komestibel

Geplaatst op 30 July 2020 dor di Ministerio Desaroyo Sosial, Labor i Bienestar

Willemstad – Ministerio di Desaroyo Sosial, Labor i Bienestar ta partisipá ku karchi sosial di komestibel pa kobradónan di ònderstant ta keda rekargá djabièrnè 31 di yüli 2020 i aki dos siman riba 14 di ougùstùs 2020.

Pa loke ta trata personanan ku a risibí un karchi sosial di komestibel den kuadro di e sosten laboral, Ministerio di Desaroyo Sosial, Labor i Bienestar ta partisipá ku e karchi aki lo wòrdu rekargá dia 5 di ougùstùs 2020.

Gobièrnu – Ministerio di Desaroyo Sosial, Labor i Bienestar ta sigui hasi su máksimo esfuerso pa yuda e siudadanonan ku tin mas nesesidat. Tur esaki riba própio forsa, ya ku Gobièrnu no ta risibí ningun sosten for di Hulanda pa kubri e gastunan aki.
Finalmente Ministerio di Desaroyo Sosial, Labor i Bienestar ta kòrda tur kobradó di ònderstant pa hasi uso responsabel di e karchi aki i kumpra produktonan di promé nesesidat.

Ministerio konserní