A tene reunion ku representantenan di APRI / PWFC - Informashon tokante Gobièrnu di Kòrsou Bo opinion

Notisia

A tene reunion ku representantenan di APRI / PWFC

Geplaatst op 24 August 2021 dor di Ministerio Asuntunan General i Promé Minister

WILLEMSTAD – Promé Minister sr. Gilmar Pisas huntu ku Minister di Tráfiko, Transporte i Planifikashon Urbano sr. Charles Cooper a reuní awe ku representantenan di APRI / PWFC. Durante di e kombersashon akí a atendé e punto di pago di sesantia i transh 4 i 5 ku ainda tin di paga na èks trahadónan di Refineria Isla.

E representantenan a aserká gobièrnu pa yuda nan yega na un solushon mas rápido posibel. Esaki mirando e situashon ku mayoria di e èks trahadónan ta aden.

Promé Minister Pisas a indiká ku el lo pone atenshon na e asuntu akí pa e por keda reglá mas pronto ku ta posibel.

Ministerio konserní