Aangifte final pa winstbelasting 2020 - Informashon tokante Gobièrnu di Kòrsou Bo opinion

Notisia

Aangifte final pa winstbelasting 2020

Geplaatst op 31 August 2021 dor di Ministerio Finansa

WILLEMSTAD – Inspektor di Impuesto ta informá ku entrante 1 di sèptèmber 2021, e portal pa hasi  “definitieve aangifte winstbelasting” 2020 ta habrí pa hasi aangifte no kompleho.

Kompanianan ku por atribuí un parti di nan ganashi na un pais estranhero i ta hasi 1 òf mas di e siguiente aktividatnan, ainda no por hasi aangifte 2020:

  • Negoshi finansiero;
  • Negoshi di seguro;
  • Negoshi di aviashon òf kompania di barku;
  • Negoshinan menshoná den artíkulo 15, insiso 4 di e lei di winstbelasting 1940.

E fecha pa entregá aangifte winstbelasting i hasi pago ta bira 31 di desèmber 2021 pa e kompanianan ariba menshoná ku no por hasi aangifte ainda.

Pa tur sobrá kompania ku por kuminsá hasi aangifte entrante 1 di sèptèmber, e fecha pa entregá aangifte i hasi pago ta bira 30 di sèptèmber. Si e kliente ta deseá un periodo di ekstenshon, e por hasi un petishon serka Inspektor.

Pa pregunta tokante e portal pa hasi aangifte winstbelasting (vaswb) 2020 por manda un mail na helpdeskbelastingdienst@minfin.cw òf winstbelasting@gobiernu.cw. Tambe por yama e helpdesk-online na 734-2570 òf afdeling winstbelasting na 734-2507 / 734-2508.

Ministerio konserní