Publiká riba 20 Ougùstùs 2018
Willemstad – Resientemente nos a tuma nota di un video ku ta pasa via medionan sosial kaminda un mama ta maltratá su yunan. No ta promé biaha ku tin videonan asina ta sirkulá riba retnan sosial.
Taskforce di Reino enkargá ku Derechi di Mucha ta urgi pa na momentu ku kualke siudadano risibí un tipo di mensahe o video asina, no sigui kompartié. Maltrato di mucha ta sosialmente inaseptabel. Di akuerdo ku e Tratado Internashonal pa Derechi di Mucha, muchanan mester por krese sigur i wòrdu protehá kontra tur forma di abuzu di mucha.
Nos ta konsehá pa averiguá, si por, prosedensia di un video asina. Si e ta originá na bo pais, mèldu esaki na polis. Si e ta originá den eksterior “delete” e video i no sigui kompartié.
E videonan aki ta kousa hopi daño na e mucha(nan) ku ta víktima den e vidio. Ademas nan ta kousa sensashon, ta hala atenshon pa aktonan negativo i ta kousa konsternashon di forma innesesario. Algun hende por asta bira malu i èks víktimanan por bolbe rebibá abusu ku nan a eksperensiá. Videonan asina no tin ningun balor agregá. No tin ningun motibu ku ta hustifiká maltrato ni violensia.
Si den bo bisindario o famia bo ta na altura di práktikanan di maltrato ku ta tuma lugá, ta bon pa tuma konseho i/o mèldu esaki.
Na Kòrsou Advies en Meldpunt Kindermishandeling
Tel.: + 5999 561 44 44
E-mail: info@kinderbescherming.org
Adres: Passaatstraat 8
Centraal Meldpunt Kindermishandeling
Tel: +5999 461 65 00
E- mail: cmk@voogdijraadcur.net
Adrès: Waaigat no 1
Na Aruba Bureau Sostenemi
Tel.: +297 588 10 10
E-mail: sostenemi@aruba.gov.aw
Adrès: Tanki Flip 53-A
Na Boneiru Jeugdzorg en Gezinsvoogdij Bonaire
Tel.: +599 715 72 01
E-mail: info.jeugdzorgcn@jeugdzorgcn.com
Adrès: Kaya Princes Marie 7
Na St. Maarten Court of Guardianship/Voogdijraad Sint Maarten
Tel.: + 1 721 542 41 10
E-mail: voogdijraadsxm@gmail.com
Adrès: W.G. Buncamper Road 33
Na St. Eustatius Center for Youth and Family
Tel.: + 599 3 18 32 71 / + 599 3 18 32 72
E-mail: info.cjgstatia@jeugdzorgcn.com
Adrès: Fort Oranje straat
