Notisia

WILLEMSTAD – Pa prevení kontagio i teniendo kuenta ku konsehonan rondó di Covid-19, gerensia di Sentro di Detenshon i Korekshon Kòrsou (SDKK) ta partisipá ku ta adaptá kondishonnan di bishita na detenidonan entrante djaluna 26 di yüli 2021.

Reglanan di bishita:

• Tur bishitante mester tin identifikashon;
• Tur bishitante mester ta bistí apropiá;
• Tur persona ta obligá pa presentá ku tapaboka i mantené esaki bistí;
• Ta prohibí tur klase di kontakto p.e. sunchi, mishi òf brasa otro;
• Ta prohibí pa papia palabra malu i/òf palabra insolente;
• Mester sigui estriktamente tur instrukshon indiká pa personal di seguridat.

Bishita di persona for di eksterior (Buitenlands Bezoek):

• Tur reglanan ariba menshoná ta konta tambe pa e personanan di bishita for di eksterior;
• Mester presentá ku karchi di bakuna òf prueba di ‘Antigeentest’ òf PCR tèst no mas bieu ku 3 dia (72 ora).

MAS NOTISIA

Ministerio konserní: Hustisia