Ahustenan finansiero - Informashon tokante Gobièrnu di Kòrsou Bo opinion

Notisia

Ahustenan finansiero

Geplaatst op 02 September 2019 dor di Ministerio Finansa

RETIRO BOLUNTARIO
Gobièrnu ta introdusiendo diferente ahuste interno dor di hasi ménos gastu i alabes sigui fortifiká su aparato públiko. Un di nan ta retiro boluntario, kaminda un grupo di ámtenar mes por skohe pa baha ku penshun promé ku e edat di 65 aña sin keda finansieramente afektá.

 

FORTIFIKÁ APARATO PÚBLIKO
Gobièrnu ta konsiente ku un aparato públiko produktivo tambe ta yuda baha gastunan, i a kuminsá hasi esaki kaba. Pa logra e meta aki, ta importante pa ámtenarnan ta motivá i bon ekipá. Ku esaki na mente, Gobièrnu ta bai invertí den su personal pa medio di formashon i sistemanan mas moderno i inovativo pa traha kuné.

 

OB NA FRONTERA
For di 1 sèptèmber 2019, Gobièrnu ta kobrando 9% di OB solamente na momento di importashon di produktonan. E subida aki pues ta konta solamente na frontera. Tur sobrá kaminda e porsentahe ta keda igual. Ke men si un produkto tabata 6%, e ta keda e mesun 6% despues di 1 di sèptèmber 2019. Ademas produktonan di e makutu básiko tambe ta keda 0%.

 

VERPLICHTINGENSTOP
Un manera pa balansá presupuesto di pais ta pa medio di ‘verplichtingenstop’. Di e forma aki Gobièrnu a kuminsá serka su mes dor di kuminsá kontrolá mas mihó e fluho di sèn ku ta drenta i sali kaha, introdusiendo un sistema kaminda mester tin aprobashon adelantá i tin dunamentu di sanshon na momentu ku desviá di esaki. 

 

AKSEINS
Pa trese mas sèn den kaha di pais, a subi akseins riba serbes, alkohòl destilá, sigaria i biña. E siguiente ilustrashonnan ta duna un bista rápido di e subida ku a drenta na vigor for di 1 sèptèmber 2019.

 

AKUERDO DI KRESEMENTU
E akuerdo di kresementu ta stipulá meta pa trese e.o. mas sèn den kaha di Gobièrnu, krea mas kupo di trabou i drecha e situashon sosial di nos pais. Kòrsou mes ta bai hinka mas konosementu den su propio aparato públiko pa yuda realisá esaki.

Ministerio konserní