Publiká riba 02 Mei 2024
Willemstad – Ainda ta posibel pa registrá online pa e Kurso pa Sertifikado B den transporte públiko. E lenk pa registrá ta https://keoss0ex.forms.app/sertifikadob2024
Pa mas informashon por yama na number di telefon 525-1279
Ministerio di Tráfiko, Transporte i Planifikashon Urbano (VVRP) den estrecho kolaborashon ku Ofisina di Turismo di Kòrsou (CTB) ta organisá kurso pa optené sertifikado B pa uso den Transporte Publiko.
E kurso lo keda duna pa e empresa “Nostra Growth” pa kual e kursistanan ta risibí un sertifikado rekonosé dor di Ministerio di Enseñansa, Siensia, Kultura, i Deporte.
Ta habri inskripshon pa 2 grupo di sertifikado B ku lo kuminsá den luna di mei 2024. E promé grupo ta konsistí di partisipantenan ku a registrá den 2023 ku tabata kumpli ku kriterianan nesesario, pero no a logra forma parti di e grupo di aña pasa pa motibu di skarsedat di kupo.
E di dos grupo lo bira pa personanan ku e aña aki ta interesá pa traha den e sektor di transporte públiko i turismo. Tur 2 grupo lo start den mei 2024 i e lèsnan lo tin un durashon di 14 siman. Lo haña lès 4 bes pa siman di 18:00 – 21:00.
Inskripshon lo ta digital via di un link riba website i òf pagina di facebook di e empresa Nostra Growth. E link lo bolbe habri dia 6 di mei 2024 pa 12or di mèrdia, i lo keda habrí pa 48 ora, pues ta sera dia 8 di mei 12or di mèrdia.
Pa bini na remarke pa inskribí, mester kumpli ku e sigiente kriterianan:
