Akuerdo di maneho entre Gobièrnu di Kòrsou i Fundashon Jeugd Baseball Organisatie Sta. Rosa, mihó konosí komo SYBORG
Publiká riba
09 Òktober 2024
Willemstad – Riba 8 di òktober, Minister Charles Cooper huntu ku Minister Sithree van Heydoorn a firma akuerdo di maneho (‘beheersovereenkomst’) entre Gobièrnu di Kòrsou i Fundashon Jeugd Baseball Organisatie Sta. Rosa, mihó konosí komo SYBORG.
E akuerdo aki sigur ta un estímulo grandi pa deporte pa nos hóbennan den área pariba di Kòrsou. Nos hóbennan por sigui rekreá atraves di e deporte di baseball.
E akuerdo di maneho ta bálido pa 5 aña, ku posibilidat pa ekstenshon. SYBORG a hasi un petishon pa por a bin na remarke pa mantenshon i desaroyo di e tereno deporte na Sta. Rosa, situá pegá ku Stadion Tio Daou. E tereno ta konsistí di tres vèlt kual yama: Totem, Mocasin i Tomahok. Na tur e tereno ta mas o ménos 39.001 m2.
