Akuerdo firmá pa desaroyo na Koraal Tabak
Publiká riba
15 Febrüari 2024
Willemstad – Minister Cooper a tuma e inisiativa di atendé ku diferente petishon pa hasi kambio di destinashon di Eilandelijke Ontwkkelingsplan (EOP).
For di aña 2023, a traha ku un tim di profeshonal, huntu ku asistensha di profeshonal di Hulanda, riba 5 petishon di proyekto pa kambio den destinashon di ‘Open Land’.
Den kuadro di esaki e tim, huntu ku desaroyadó nan a kana un kaminda basta intenso kaba, kual a inkluí ku a tene workshop, a hasi estudionan, i hasi analisis di e área.
Minister Cooper a trese dilanti na momento ku a firma e akuerdo pa por desaroyá Koraal Tabak: “Mi Ministerio no ta hasi esaki su so, pero ta traha huntu ku konseheronan di e Ministerionan di Naturalesa i Medio Ambiente, i Ministerio di Desaroyo Ekonómiko.
Aworaki ta firma e akuerdo kaminda partidonan, den e kaso aki Gobièrnu i desaroyadó lo fiha e kaminda pa yega na kambio di EOP. E akuerdo ta trata área di Koraal Tabak ku ta di famia Bakhuis.
Awor ku a firma e akuerdo aki,
Ministerio di Trafiko, Transporte i Planifikashon Urbano huntu ku e Ministerionan di Naturalesa i Medio Ambiente, i Desarojo Ekonómiko, profesholnan eksterno, desaroyadó su konseheronan lo bai kana e trayekto hurídiko di kambio di destinashon di EOP.
Si esei logra, lo habri kaminda pa traha kas i stimulá un desaroyo turístiko duradero”
