Alumnonan di bishita serka Minister Alcalá-Wallé
Publiká riba 28 Aprel 2019
Resientemente dos alumno di Marnix College VSBO kendenan ta Annelys Lucas i Marjorie Johana Fabias a hasi un bishita serka
Minister di Enseñansa, Siensia, Kultura i Deporte sra. Marilyn Alcalá-Wallé pa tene un entrevista ku e mandatario tokante su funshon i tareanan diario i su motivashon.
Durante e enkuentro e hóbennan a haña alabes e oportunidat pa mira kuantu dokumentu e Minister i su tim ta trata diariamente i e diferente petishonnan ku ta drenta.
E hóbennan a keda impreshoná di tantu trabou!
Eksito na e hóbennan ku na tarea.
