Publiká riba 24 Novèmber 2022
WILLEMSTAD – Resientemente Sentro di detenshon i korekshon Kòrsou a risibí bishita di sr. Andre Norman di Academy for Hope, sr. Hensley ‘Bam Bam’ Meulens i delegashon.
Durante di e bishita e klientenan di SDKK por a risibí sr. Andre Norman ku ta un motivational speaker internashonal ku tambe tabata detenido, i awe por konta su testimonio. Alabes e ta fundador di Acadamy for Hope ku ta traha ku hóbennan i detenidonan ku a kai den kriminalidat. Na e okashon akí e delegashon a sera konosí ku Tim di maneho di SDKK i tambe a bishitá algun blòk den prizòn.
Señor Andre Norman a keda asina impreshoná di e bishita na SDKK, ku el a kanselá su buelo pa por sigui bini den e dianan binidero di forma ku e por kaba di motivá demas klientenan i personal di SDKK.
Gerensia di SDKK ta sumamente kontentu di por a risibí sr. Andre Norman i sr. Hensley ‘Bam Bam’ Muelens na prizòn.
