Publiká riba 18 Òktober 2017
Willemstad – Minister Zita Jesus Leito huntu ku Kooyman BV, Unidat di Bario i Domeinbeheer ta invitá tur habitante di Juan Domingo i besindario kordialmente na un anochi di informashon tokante konstrukshon di un área di rekreashon i deporte na Juan Domingo.
E anochi di informashon ta tuma lugá riba djamars 24 di òktober 2017 di 7.00 pa 9.00 di anochi na Sentro di Unidat di Bario Kòrsou (Jan Noorduynweg 58-5). Minister Zita Jesus Leito, Kooyman BV, Unidat di Bario i Domeinbeheer ta spera di por risibí tur habitante i komersiante di Juan Domingo i besindario pa e anochi di informashon aki.
