Anunsio tokante kambio di sita pa título di residensia - Informashon tokante Gobièrnu di Kòrsou Bo opinion

Notisia

Anunsio tokante kambio di sita pa título di residensia

Geplaatst op 25 September 2020 dor di Ministerio Hustisia

Servisio di Atmishon ta informá ku ta bai inisiá ku un proyekto pa duna mas tantu hende posibel un sita pa risibí nan título di residensia.

Esaki ta enserá ku usuarionan ku tin un sita entre 28 di sèptèmber 2020 pa 9 di desèmber 2020 ta risibí un e-mail òf un yamada indikando e fecha nobo pa pasa risibí nan título di residensia. Servisio di Atmishon ta pidi tur usuario pa tuma nota di e kambio aki.

E rekisitonan ku kada usuario mester presentá kune riba dia di e sita ta menshoná den e karta di desishon bou di e punto di “afhandeling”. Si no presentá ku e rekisitonan nesesario no por risibí e título di residensia. Tambe Servisio di Atmishon kier rekordá tur usuario pa tei presente 5 minüt promé ku nan sita, hasi uzo di un tapaboka i kumpli ku tur e reglanan di higiena.

Ministerio konserní