Apelashon pa kita tur ophetonan di propaganda polítiko den área públiko - Informashon tokante Gobièrnu di Kòrsou Bo opinion

Notisia

Apelashon pa kita tur ophetonan di propaganda polítiko den área públiko

Geplaatst op 12 May 2021 dor di Ministerio Tráfiko, Transporte i Planifikashon Urbano

WILLEMSTAD – Servisio pa Planifikashon Urbano (ROP) ta hasi un apelashon na tur partido polítiko pa laga kita tur ophetonan di propaganda polítiko den área públiko. Fecha pa a kita tur opheto di propaganda polítiko tabata 8 dia despues di elekshon 2021.  

ROP ta gradisí tur partido polítiko ku ya a sòru di kita nan ophetonan. Pues e petishon ta spesífikamente pa tur demas partido ku ainda tin ophetonan butá, pa kita esakinan. ROP tin komprenshon pa e situashon ku tabata tin pa loke ta ‘lockdown’ i plachi di dia i, pa e motibu akí mes, a tene debido kuenta. 

Pa mas informashon tokante esaki por tuma kontakto ku ROP via di number di telefòn 511-3874 òf na e-mail info.rop@gobiernu.cw. Pa mas informashon tokante e eksigensianan pa bòrchi òf otro ophetonan di propaganda, por tuma nota di e Maneho pa Ophetonan di Propaganda (Beleid voor Reclame-uitingen) riba e wèpsait di VVRP (www.vvrp.cw/maneho). 

Ministerio konserní