Apelashon urgente pa no bula ku drone durante e aktividatnan di Curaçao North Sea Jazz 2019 - Informashon tokante Gobièrnu di Kòrsou Bo opinion

Notisia

Apelashon urgente pa no bula ku drone durante e aktividatnan di Curaçao North Sea Jazz 2019

Geplaatst op 28 August 2019 dor di Ministerio Tráfiko, Transporte i Planifikashon Urbano

Willemstad – Outoridat di Aviashon Sivil di Kòrsou ta hasi un apelashon serio na tur usuario di drone pa no bula drone den área di Parasasa, pa mas eksakto riba edifisio nan di World Trade Center i Clarion Hotel i sigur no riba e área di presentashon di e artistanan durante e aktividatnan di Curaçao North Sea Jazz 2019 di dianan 29, 30 i 31 ougùstùs 2019.

Ta pidi pa NO bula ku drone durante e festival ariba menshoná. E motibu di e medida aki ta pa garantisá seguridat di tur persona ku lo bishita e aktividat aki mirando ku lo tin basta artista konosí ku lo presentá.

Un drone por eksperensiá un mal funshonamentu i kai den públiko. Ta antisipá ku tin un kantidat grandi di persona ta bishita e aktividatnan i e peliger tei ku si pa un òf otro motibu e drone kai e por kousa daño na hende i material. Tur esaki ta pa garantisá seguridat durante e gran evento di Curaçao North Sea Jazz 2019.

Ministerio konserní