Apelashon urgente pa no bula ku drones durante e aktividatnan di Air Balloon Fiesta - Informashon tokante Gobièrnu di Kòrsou

Notisia

Tráfiko, Transporte i Planifikashon Urbano
 

Apelashon urgente pa no bula ku drones durante e aktividatnan di Air Balloon Fiesta

Publiká riba 31 Òktober 2024

Willemstad – Outoridat di Aviashon Sivil di Kòrsou ta hasi un apelashon serio na tur usuario di drones pa no bula drones den área di Festival Center, durante e aktividatnan di Air Balloon Fiesta riba dianan 1 i 2 di novèmber 2024. Ta pidi pa no bula ku drones entre 4’or di mainta pa 11’or di anochi.
E motibu di e medida aki ta garantisá seguridat di tur persona ku lo bishita e aktividat aki mirando ku lo tin ‘demonstrashon’ ku diferente hot air balloons i asta buelonan ku un ‘hot air balloon’ ku ta mara ku kabuya na tera. Un drone por dal den un di e ‘hot air balloons’ nan aki i kousa aksidente. Tambe ta antisipá ku tin un kantidat grandi di persona ta bishitá e aktividatnan i e peliger tei ku si pa un òf otro motibu e drone kai e por kousa daño na hende i material.
Tur esaki ta pa garantisa seguridat durante e gran evento di Air Balloon Fiesta.