Asuntunan Públiko, ántes Kranshi, ta adaptá orario i su servisionan.
Publiká riba 23 Mart 2020
Willemstad – Entrante djaluna 23 di mart 2020 Asuntunan Públiko mihó konosí komo Kranshi a adaptá su orarionan alabes su servisio na klientenan i e públiko engeneral.
Relashoná ku desaroyonan di COVID-19 Kranshi tambe ta hasi kambionan pa kontribuí na bienstar di siudadanonan i su empleadonan.
Konforme instrukshon pa maksimalisá protekshon di salú e siguiente adaptashon ta na vigor
- Kantidat di persona den salanan.
- Ta permití un kantidat di 10 persona pa pasa na e sala grandi kada mei ora;
- Ta permití un kantidat di 7 persona pa pasa na e sala chikí kada mei ora;
- Ta permití un kantidat di 10 persona pa seremonia den e Sala di Kasamentu;
- Ta habrí parti mainta, di 7’or pa mitar di 1di atardi, pa e siguiente servisionan:
- Registrashon di nasementu;
- Registrashon di fayesimentu;
- Kambio di direkshon;
- ‘Uitschrijving’;
- ‘Inschrijving’;
- Ta kanselá tur sita di pasport, sédula i reibeweis. E personanan konserní lo risibí un yamada pa un sita nobo i e personanan tambe por yama den kaso di urgensia.
- Pa loke ta trata entrega di pasport, Asuntunan Públiko mes ta yama promé ku e fecha di vensementu (3 luna).
- Por pidi tur petishon di uittreksel, prueba di ta na bida i aktanan via di e-mail (Info.bsbv@gobiernu.cw) òf via telefòn (434-1600). Entrega ta tuma lugá konforme sita. Por hasi pago via di banko ( MCB: 31968502) i pasa tuma e dokumento riba dia i ora di sita.
- Mester hasi echtheidsverklaring, registrashon i petishon pa troka reibeweis estranhero ʹonlineʹ.
- Por pidi práktikamente tur verklaring, uittreksel, kambio di direkshon, uitschrijving via e-mail (Info.bsbv@gobiernu.cw) òf via telefòn (434-1600).
- Departamento di Reibeweis na Sta. Rosa ta será te próksimo aviso.
Aki ta sigui algun informashon adishonal di Asuntunan Públiko i e numbernan di kuentanan bankario.
E-mail adrès: |
Info.bsbv@gobiernu.cw |
|
Telefòn: |
434-1600 |
|
Number di kuenta di banko |
MCB 31968502 |
Tur produkto/servisio |
|
MCB 31968110 |
Tur éksamen di reibeweis |