Asuntunan Públiko (Kranshi) i Departamento di Reibeweis ta duna solamente servisio ku sita dia 30 di desèmber 2021 - Informashon tokante Gobièrnu di Kòrsou

Notisia

Ministerio konserní Maneho di Gobernashon, Planifikashon i Servisio Públiko
 

Asuntunan Públiko (Kranshi) i Departamento di Reibeweis ta duna solamente servisio ku sita dia 30 di desèmber 2021

Publiká riba 29 Desèmber 2021

WILLEMSTAD – Djaweps 30 di desèmber 2021, Asuntunan Públiko (Kranshi) i Departamento di Reibeweis por duna solamente e servisionan ku tin sita p’é. Èksamen di teoria i práktiko pa reibeweis ta sigui konforme e fecha di èksamen na Departamento di Reibeweis na Sta. Rosa.

Riba 30 di desèmber 2021 lo no por duna otro servisio ku no tin sita p’é. Esaki dor di trabounan interno ku mester tuma lugá den nos back-office pa prepará nos servisio pa aña 2022. Ministerio di Maneho di Gobernashon, Planifikashon i Servisio Públiko ta sigui hasi su máksimo esfuerso pa keda mehorá su servisio i sirbi pueblo di e mihó forma.

Pa mas informashon por tuma kontakto ku Lokèt di Pèrmit, Departamento Bentana di Informashon, na 434-1690.