Publiká riba 01 Novèmber 2023
Willemstad – Minister Charles Cooper huntu ku Servisio pa Obra Públiko (OW) tin atenshon debido i ta bai atendé rápidamente ku situashonnan den infrastruktura kousa pa áwaseru. Den e último dianan aki bastante áwaseru a kai i a kousa basta molèster.
Tin diferente kontratista ku lo ta disponibel 24/7 pa e situashonnan riba kaya.
Trahadónan di OW tambe lo ta disponibel 24/7 pa traha huntu ku e kontratistanan. Tin 4 kolaboradó eksterno adishonal ku lo ta na kabes di kontratistanan pa asina por kumpli ku e trabounan.
Number di telefòn kaminda por duna keho bou di oranan di trabou ta 465-1477 i 433-4237. Tambe por entrega un keho via di e klachten.vvrp.cw.
Trabounan a kuminsá for di awe pa solushoná kasonan.
