Publiká riba 26 Yanüari 2018
Willemstad – Durante e último dos simannan inspektornan di Outoridat di Aviashon Sivil (CCAA) a kondusí diferente inspekshon riba e avionnan di Insel Air. Durante e proseso di inspekshon CCAA a haña asesoramentu di inspektornan di Inspectie Leefomgeving en Transport (Hulanda). E aktividatnan aki ta den kuadro di maneho di Minister Zita Jesus-Leito pa duna prioridat na e aspekto di seguridat esta “safety first”.
Durante di e inspekshonnan riba e tres avionnan di tipo Fokker, CCAA a detektá ku tabata tin algun defisiensia. Resultado di esaki ta ku ayera CCAA mester a tene e úniko avion di tipo Fokker-50 ku Insel Air tabata tin den operashon na tera. CCAA a komuniká na maneho di Insel Air e defisiensianan detekta i a duna e linia aéreo instrukshon pa drecha esakinan. Despues di un kòntròl hasi djabièrne atardi riba e avion Fokker-50 menshoná, CCAA por konfirmá ku Insel Air a drecha e defisiensianan.
E aspekto di seguridat pa CCAA ta di sumo importansia i por lo pronto CCAA ta mantené su alto supervishon riba Insel Air.
