Publiká riba 24 Yanüari 2022
WILLEMSTAD – Riba djaluna 24 di yanüari 2022, a ofisialisá e sistema pa traha sita pa bai kùr vehíkulo den forma digital. Minister Charles Cooper konhuntamente ku minister Ornelio Martina a lansa e sistema nobo akí. Tantu Servisio di Tráfiko i Transporte komo Lokèt di Pèrmit ta enkargá ku maneho di e sistema akí. Esaki ta parti di e trayekto di digitalisashon.
Pa traha un afsprak pa kùr bo vehíkulo ta fásill:
Bai na e portal di gobièrnu ku ta www.gobiernu.cw, bai Lokèt Digital, skohe lèter K (Keuring Voertuigen), despues klek riba e link sitaautokeuring.gobiernu.cw òf klik riba e mosaiko “Kùr bo vehíkulo” pa yega na un fecha pa kùr bo vehíkulo.
Pa por traha un sita mester tin e karchi di kùr di e vehíkulo na man. Pa drenta e sistema e petishonario mester yena un kombinashon di dato di e siguiente manera:
Si e kombinashon di dato no ta kuadra ku informashon di e sistema, e petishonario no por traha su sita ‘online’. Den un kaso asin’akí por fabor manda un mail na Lokèt di Pèrmit na sita@gobiernu.cw òf yama na 433-3123 pa laga traha un sita.
Na momentu ku e sistema aseptá e kombinashon di dato e petishonario ta:
Tin e opshon pa yena number di telefòn i email. Esaki ta opshonal.
Seguidamente e persona ta risibí un konfirmashon di e eskoho di fecha di kùr i orario. Aki tin e posibilidat ainda pa kambia e eskoho. Unabes a konfirmá e sita esaki ta bira definitivo i por prent òf warda e sita. E prosedimentu a terminá aki.
Kòrda traha e sita por lo ménos 2 siman promé ku e fecha di vensementu. Semper ta rekomendabel pa traha sita ku antisipashon pa sòru ku e fecha i orario di bo eskoho ta disponibel. Si traha un sita despues di e fecha di vensementu, mester paga fl. 30,00 èkstra. Despues di dia 15 di kada luna, e sistema ta habri kalènder di e siguiente luna pa asina por traha un sita. Den e sistema tin un boton ‘Checklist Keuring’ ku ta duna informashon tokante loke mester pa por kùr e vehíkulo ku éksito.
Pa kualke pregunta, remarke òf opservashon por yama Lokèt di Pèrmit, departamento Bentana di Informashon na 433-3123 òf manda un mail na sea sita@gobiernu.cw òf na Servisio di Tráfiko i Transporte na info.uovv@gobiernu.cw.
