Awor Kòrsou su Archivo Nashonal ta poseé 47 aña di informashon adishonal - Informashon tokante Gobièrnu di Kòrsou Bo opinion

Notisia

Awor Kòrsou su Archivo Nashonal ta poseé 47 aña di informashon adishonal

Geplaatst op 20 November 2018 dor di Ministerio Maneho di Gobernashon, Planifikashon i Servisio Públiko

Awor Kòrsou su Archivo Nashonal ta poseé 47 aña di informashon adishonal

 

Willemstad  –  Un debilidat di Gobièrnu, pero ku pronto lo ta algu di pasado, ta e echo ku tin masha poko hende ku e konosementu spesífiko di kon forma i manehá archivo.  Un archivo, manera kisas ta konosí, ta di importansia pa diferente motibu:

  • Pa efisiensia den funshonamentu di e organisashon;
  • Pa por responsabilisá i duna evidensia di maneho hibá; i
  • Pa konsenshi históriko i base pa investigashonnan sientífiko.

Archivo Nashonal, den koperashon ku ICUC, a organisá un estudio profeshonal na nivel di HBO na kua ta partisipando 22 empleado públiko. E 22 studiantenan aki, resientemente, a konkluí nan periodo di stazje i a hasi un inventario di e archivo di Teritorio Insular di Kòrsou pa loke ta trata e periodo 1990-1999. Ku gran satisfakshon e studiantenan a hasi entrega ofisial di e inventario na Archivo Nashonal i na minister Armin Konket.

 

Sr. Max Sriwanek, direktor di Archivo Nashonal, a hiba palabra na e okashon aki i a bisa “…..ku ta for di 1969 nos tabatin e archivo di Gobièrnu te ku 1939 bou di nos maneho. Awor nos ta ainda mas orguyoso ya ku Archivo Nashonal tin tambe informashon di gobernashon te ku aña 1951 i tambe un parti di gobernashon te ku 1986. Awor nos por duna klientenan informashon kompletamente nobo di un periodo nobo. Esta e periodo ku a kubri:

  • Formashon di pais Antia Hulandes,
  • E promé fase di outonomia, i
  • Añanan di guera.”

Sr. Sriwanek a terminá bisando ku e archivo aki ta un hoya ku sigur lo tin hopi atenshon internashonal.

 

 

 

_________________________~xxXxx~__________________________

 

Foto:    invitadonan na e entrega di e inventario.

            Entrega na hefe di Archivo Nashonal i minister Konket.

            Studiantenan aspirante di archivero (archivista).

 

Ministerio konserní