BESINDARIO MAHAAIWEG TA BIRA MAS BUNITA KU PLANTASHON DI MATA - Informashon tokante Gobièrnu di Kòrsou Bo opinion

Notisia

BESINDARIO MAHAAIWEG TA BIRA MAS BUNITA KU PLANTASHON DI MATA

Geplaatst op 02 October 2017 dor di Ministerio Tráfiko, Transporte i Planifikashon Urbano

Willemstad – For di dia 11 te ku dia 20 di òktober próksimo, Servisio pa Obra Públiko (OW) i e kontratista Kwekerij Exotische Tuinen, ta planta mata den besindario di Mahaaiweg i Trompetbloemweg.

E trabounan di planta mata ta tuma lugá, mas tantu posibel, entre 8’or di mainta i mitar di 12 di mèrdia i den e oranan di atardi entre mitar di 2’or i 5’or di atardi. Asina ta evitá pa tráfiko pega durante di e oranan di mas drùk. E kontratista ta pone material di seguridat riba kaminda pa e trahadónan por hasi nan trabou na un manera mas sigur. Esaki ta nifiká ku tráfiko mester tene kuenta ku e kaminda ta bira mas smal durante di e oranan di trabou.

Pa hendenan den bisindario di Mahaaiweg i Trompetbloemweg por tin djis algun molèster na e momentunan ku e plantashon ta nèt dilanti di nan kas. E kontratista ta sòru pa e molèster ta keda na un mínimo i ku tur hende por drenta i sali nan tereno sin problema. OW i Kwekerij Exotische Tuinen ta pidi komprenshon pa e trabounan.

Ministerio konserní