Notisia

Willemstad – Minister di Enseñansa, Siensia, Kultura i Deporte (ESKD) sr. Sithree van Heydoorn a risibí na su despacho embahador di repúblika di Azerbaijan na Reino Hulandes sr. Rahman Mustafayev. Durante di un kòmberashon ameno a sera konosí ku otro i kòmbersá di diferente tópiko interesante.

A kòmbersá tokante kultura, edukashon, idioma i músika. E embahador a hasi presentashon di nan herensia kultural relashoná ku e arte di traha tapeit i pintura den forma di miniatura. E arte akí ta masha importante den e historia kultural artístiko na paisnan manera Turkia, Armenia, Georgia i Rusia. Tambe Minister a haña informashon di nan músika klásiko ku ta Balaban (instrumento prinsipal flouta) ku ta forma parti integral di nan kultura. Aki nan a toka e tema ku por traha huntu ku fundashonnan musikal manera North Sea Jazz pa tene presentason di e arte musikal di Azerbaijan na Kòrsou. 

Na mes moment minister van Heydoorn a kòmbersá tokante posibel interkambio di alumno relashoná ku universidat i skol. A kòmbersá di maneho di idioma, komo ku na e pais akí ta papia diferente idioma. A toka e tema di e akademia universitario di petrolio (Azerbaijan State Oil and Industry University) ku tin na Azerbaijan ku tambe por traha huntu na interes di e dos paisnan. Minister van Heydoorn a duna splikashon di nos arte kultural i mustra e embahador un trayekto artístiko ku e ta trahando riba dje ku e artista Bagira relashoná ku pintura i arte kultural. Tambe Minister a splika tokante nos deporte mas popular na Estádos Unídos.  

Di un forma amikal minister Sithree van Heydoorn a yama e embahador danki pa e bishita i a bai di akuerdo pa sondia posibilidat pa traha huntu den futuro. 

— 

KOMUNIKASHON 

**riba e potrètnan athunto por tuma nota di e bbishita di e embahador. 

Pa mas potrèt por bishitá: Bishita di Embahador di Azerbaijan. 

MAS NOTISIA

Ministerio konserní: Enseñansa, Siensia, Kultura & Deporte