Publiká riba 20 Mart 2019
Willemstad – Resientemente, a tuma lugá un bishita di kortesia entre Aruba Port Authority (APA) i Outoridat Marítimo di Kòrsou (MAC). Meta di e bishita aki tabata pa personal di MAC sera konosí ku e Managing Director nobo di APA, Sr. Marc Figaroa, i Sr. Irving Gil kende ta e Direktor Nóutiko. Tambe a despedí di Sr. Jossy Figaroa kual ta e direktor saliente.
MAC i APA tin un koperashon estrecho ku otro den e sektor marítimo. MAC ta gradisí Sr. Figaroa pa e bon trabou i ta yama bon bini na Direktor Marc Figaroa. MAC ta konta riba un bon relashon di trabou manera semper.
MAC ta e organisashon di Gobièrnu ku ta responsabel pa barkunan seif i nabegashon limpi riba nos laman. Tin tratadonan internashonal ku tur barku tin ku kumpli kuné i MAC ta kontrolá esei.
