Bo opinion

Notisia

Brantspuit TS-7

Geplaatst op 21 February 2020 dor di Ministerio Hustisia

Djamars 18 di Februari 2020, Kuerpo di brantwer Kòrsou a inougurá di forma ofisial un brantspùit nobo, TS-7.
Ta trata di un “pumper” kual a keda traha “custom made” pa Brantwer Kòrsou.

Dia 08 di Òktober di aña 2018, Minister di Hustisia a firma e kompra pa e brantspùit aki. Despues di kasi 1 aña i mei, e kuerpo a logra di haña e pumper. Di akuerdo ku komandante di Brantwer ing. Elvin Regina, e pumper tankero aki tin un kapasidat di 6000 l pa minüt i lo tin un kapasidat di 6 mil liter di awa. E tin espasio pa por akapará 6 bombero aden. E pumper aki tin su mes tanki grandi ku awa, kual ta pone ku lo no mester sali ku dos vehíkulo pa un kandela na momentu di un insidente chikitu.

Por tuma nota ku den e frònt di e vehíkulo, a laga diseñá e bandera di Kòrsou, pa duna realse na nos bandera. E intenshon ta pa mesora hinka e vehíkulo aki den servisio na pòst Rio Canario, pa asina por remplasá otro vehíkulo nan ku ya a pasa nan tempu. E vehíkulo ta unu moderno ku vários mekanismo moderno, pa hasi e trabou pa paga un kandela poko mas fásil. Kuerpo di Brantwer ta agradesido na Fondo di Kriminalidat, ku tabata di gran aporte den kompra di e vehíkulo nobo aki.

Ku e akto di e vehíkulo nobo aki, Brantwer Kòrsou ta duna inisio tambe na un aña di selebrashon, na momentu ku 14 di yüli próksimo e Kuerpo lo selebrá 45 aña di eksistensia. Pronto e Kuerpo lo bai duna mas detaye relashoná ku e selebrashon pendiente.

 

Ministerio konserní