Notisia

WILLEMSTAD – Brantwer Kòrsou for di den oranan di djabièrnè 15 di dezèmber 2023 a risibí notifikashon pa asistensia pa atende ku bola grandi di shushi i diferente otro artíkulo na Kaya Castellatus. Brantwer Kòrsou a inisiá pa atende i tambe kombatí e kandela pero sin un resultado positivo. Ku yudansa di ekiponan pisá a kontinuá pa purba jega na solushon te den oranan di anochi. Mirando ku a bira muchu skur i e tereno ta inkonfiabel a optá pa pone paro na e trabounan pa ku seguridat di trahadónan.

Lamentablemente esaki ta nifiká ku durante oranan di awenochi/marduga, habitantenan di den e área lo tin molèster di huma debí ku no a lográ di paga e kandela kompletu. Brantwer Kòrsou ta hasi petishon pa habitantenan pa tuma e siguiente medidanan di prekoushon:

• Sera tur bentana i porta mas tantu posibel
• Persona ku ta sufrí di kualkier problema respiratorio ta rekomendabel pa evitá di ta na kas.

E medidanan di prekoushon aki ta espesial pa habitantenan den e área di Mahuma, Souax, Seri Kandela, Gato i bisendario. E trabounan lo kontinuá den oranan trempan di djasabra mainta pa mitigá e molèster di huma.

MAS NOTISIA

Ministerio konserní: Hustisia