Notisia

Willemstad.- Ofisina Sentral di Statistik (CBS) ta publika awe ku nivel di preis na Kòrsou a subi ku 0,2 porshento pa luna di yüli 2025 kompará ku yüni 2025. Na luna di ougùstùs 2025 e nivel di preis a subi ku 0,1 porshento kompará ku yüli 2025. Inflashon a subi na luna di yuli 2,0 porshento i pa ougùstùs e la subi na 1,8 porshento.

Desaroyo di preis na luna di yüli 2025 kompará ku e luna prome di yüni 2025

E sifra índise di preis pa konsumidó (CPI) di Kòrsou a subi ku 0,2 porshento na luna di yüli 2025 kompará ku yüni 2025. E sifra di inflashon ta 105,4 na yüli 2025 (na yuni 2025 e tabata 105,1).

Na yüli 2025, e preis di produkto i servisio a subi den sinku kategoria di konsumo. E kambionan di preis prinsipal den e luna aki ta:

Kategorianan ku a subid di preis:

• Bibienda +0,7%
• Kuminda +0,3%
• Paña i sapatu +0,2%
• Meubel i artíkulo di kas: +0.1
• Transporte i komunikashon: +0,1%

Preisnan ku a baha na luna di yuli 2025

• Bebida i sigaria: -0.8%
• Salubridat -0,3%
• Rekreashon i edukashon -0,1%

Sobra kategoria a keda kasi meskos.

Desaroyo di preisnan na luna di ougùstùs 2025 kompará ku luna yüli 2025
E índice di preisnan pa konsumidó (CPI) di Kòrsou a subi ku 0,1 porshento na luna ougùstùs 2025 kompará ku yüli 2025. E sifra a subi di 105,4 na yüli 2025 pa 105,5 na luna di ougùstùs 2025.

Subida di preisnan pa luna di ougùstùs 2025

• Transporte & komunikashon: +1,2%
• Bèbida & sigaria: +1,1%
• Salubridat: +0,3%
• Sobra: +0,2%

Bahada di preisnan pa ougùstùs 2025

• Paña & sapatu: -0,6%
• Bibieda: -0,4%
• Kuminda: -0,1%

Kategorianan sin kambio na luna di ougùstùs 2025

• Muebela & artíkulonan pa kas
• Rekreashon & edukashon

Desaroyo di preis riba un termino largu

Inflashon ta reflehá pèrdida di balor di sèn, pues di forsa di kompra, dor di subida di preis di produkto i servisio pa e konsumidó riba término largu (usualmente 12 luna). E sifra di inflashon pues ta duna un indikashon di e subida promedio di kosto di bida, i p’esei ta ser rekomendá komo instrumento pa indeksashon di salario, penshun, ònderstant/ benefisio sosial, suèldu mínimo i otro entrada.

Inflashon den un sierto luna ta ser kalkulá dor di komparashon di e CPI promedio di 12 luna den e luna konserní ku e CPI promedio di 12 luna den mes luna e aña anterior. Si kompará e periodo di e último 12 luna te ku luna di yüli e e preisnan averahe di konsumidó a subi ku 2,0 porshento i pa luna di ougùstùs 2025 esaki tabata 1.8%. E averahe di 12 luna di CPI a subi di 101.9 na luna di yüli 2024 pa 104,0 den yüli 2025. E averahe di 12 luna di CPI a subi di 102,2 na luna di ougùstùs 2024 pa 104,1 na luna di ougùstùs 2025

Pa mas informashon, por bishitá e website di CBS: www.cbs.cw/inflationprices

MAS NOTISIA

Ministerio konserní: Maneho di Gobernashon, Planifikashon i Servisio Públiko