Notisia

Willemstad – Riba djamars 22 di novèmber, CPOST a hasi entrega di su relato anual pa aña 2021 na Minister Charles Cooper. E relato aki ta duna un bista di e logronan i retonan di CPOST durante 2021.

Durante di e reunion aki tabata presente tabata Sr. Sluis (Konsehero di Gobièrnu), Sr. Luisa (Direktor Finansiero di CPOST), Sr. Bijl (Presidente di Hunta di Komesarionan), Sr. Roggendorf (CEO di CPOST), i Sr. Jervhes Josephia (Direktor di Business Development).

A hasi uso di e oportunidat pa interkambiá tokante entre otro:

• Maneho di ‘Community Mailboxes’,
• ‘Concessie Postbeleid’ i e nota di maneho,
• ‘Business Case’ CPOST pa wak kiko mester sosodé ku e edifisionan na Punda, Otrobanda i Groot Kwartier, i
• Introdukshon di un ‘E-wallet’ postal.

Minister Cooper ta satisfecho ku CPOST ta kumpli ku e deber di entrega su relato anual den un tempu rasonabel pa por duna kuenta i rason di trabounan hasi.

MAS NOTISIA

Ministerio konserní: Tráfiko, Transporte i Planifikashon Urbano