Crystal  Perigault Monte a huramentá  komo dòkter di kas serka Minister Dorothy Pietersz- Janga - Informashon tokante Gobièrnu di Kòrsou

Notisia

Ministerio konserní Salubridat Públiko, Medio Ambiente i Naturalesa
 

Crystal  Perigault Monte a huramentá  komo dòkter di kas serka Minister Dorothy Pietersz- Janga

Publiká riba 19 Ougùstùs 2022

Willemstad – Resientemente Sra. Crystal Loretta Siu Sem Perigault Monte a huramentá dilanti Minister di Salú, Medio Ambiente i Naturalesa Dorothy Pietersz- Janga komo dòkter di kas.

Minister Pietersz-Janga na e okashon aki a bisa ku e ta sumamente kontentu i orguyoso  di tuma nota ku mas i mas hende lokal ta skohe pa bin traha bek na Kòrsou komo dòker,   pasombra ta hopi importante ku e dòokter por komuniká ku e pueblo den nan idioma materna. Komunikashon efektivo entre un dòkter i pashènt ta un parti hopi esenshal ku ta subi e kalidat di kuido ku e ta duna.

Di e forma aki dr. Perigault Monte a kumpli ku eksigensianan di nos leinan vigente pa e por ehersé su profeshon komo dòkter di kas. Finalmente Minister a felisitá  dr. Perigault Monte komo dòkter di kas i a deseé tur klase di éksito den su karera.

Riba potrèt por mira momentu ku  dr. Crystal Perigault Monte ta huramentá dilanti Minister Dorothy Pietersz- Janga komo dòkter di kas nobo pa nos Isla.

 

###