WILLEMSTAD – Curaçao Export Week a kuminsá ofisialmente djárason 6 di mei, ku un apertura eksitoso enfoká riba komèrsio internashonal, desaroyo di eksportashon i oportunidatnan ekonómiko pa Kòrsou.
Durante e seshon di apertura, Sra. Vanessa Toré, Direktor di Departamentu di relashonannan eksterior di Ministerio di desaroyo Ekonomiko a proveé e públiko ku un update riba e estado aktual di asuntunan denter di Organisashon Mundial di Komèrsio (WTO) i a suprayá e nifikashon di e kompromiso kontinuo di Kòrsou den e arena di komèrsio internashonal. E públiko presente tambe a keda introdusí na Hon. Matthew Wilson, Embahador di Barbados na Ginebra i Presidente di Curaçao’s Accession Working Party na WTO a enfatisá e importansia di Kòrsou su miembresia i partisipashon den e kuadro di WTO.
E programa di atardi a sigui ku un presentashon di Sr. Reggie Martis titulá “Evolution of Curaçao’s Exports: From Traditional Pillars to New Frontiers.” E presentashon a duna datonan i un bista balioso riba e rendimentu di eksportashon di Kòrsou, miéntras a delineá tambe oportunidatnan emergente i direkshonnan nobo pa e sektor di eksportashon di e isla.
E promé dia a konkluí ku e diskushon di panel “Di Strategia pa Akshon: Historianan di Eksportashon Real for di Kòrsou,” ku a konta ku eksportadónan lokal ku a kompartí nan eksperensianan, retonan i éksitonan den merkadonan internashonal. Panelistanan a inkluí David Levy Maduro di CX Pay, Marcel Gourdinou di MijnMaatschappij i Mitchel Lammering di Limpi Recycling, kende tambe a papia tokante inisiativanan di eksportashon di Sandals Foundation.
Curaçao Export Week lo kontinuá ku vários tayer i seshon, tantu virtual komo personal, dirigí riba fortalesé kompartí konosementu, kolaborashon i desaroyo di eksportashon. E siman lo kulminá djaluna awor na YouMeet ku diferente presentashon, entre otro:
E apertura di CEW a demostrá un kompromiso fuerte ku inovashon, koperashon internashonal i ekspanshon kontinuo di e potensial di eksportashon di Kòrsou.
