Publiká riba 06 Yüli 2018
5di yüli último un delegashon di e klup di baseball, Curaçao Neptunus a bishita Kas di Kòrsou pa sera konosí ku Minister Plenipotensiario Anthony Begina. E delegashon a konsistí di hungadó, coach i miembronan di direktiva. Resientemente Curaçao Neptunus a prolongá nan título di Kampion Oropeo di klup.
Despues di un palabra kòrtiku di bon bini, e hungadónan presente a risibí un pìn di e bandera di Kòrsou. Tambe e coachnan i miembronan di direktiva a risibí un regalo típiko di Kòrsou. Di e forma aki minister Begina I e tim di Kas di Kòrsou a mustra nan apresio pa e prestashon, disiplina I dedikashon di e organisashon kual ta karga nòmber di Kòrsou.
Potrèt: Cainva Isenia
