WILLEMSTAD – Tabata awe den oranan di atardi ku a risibí notifikashon for di gerensia di prizòn ku un kliente di SDKK, den e kaso akí un hóben dama lo mester a logra hui for di den e departamento di hende muhé na e sentro penitensiario.
Asina ku Minister Hato a risibí e notifikashon, el a ordená un investigashon inmediato i profundo, p’asina determiná kon e dama por a logra hui for di den SDKK. Ta trata di un hóben dama di inisialnan, N. L., kende awor outoridatnan polisial ta buskando di forma intensivo, di manera ku hustisia por logra pone man bèk riba dje.
Apesar ku Kuerpo Polisial ya ta realisando un búskeda i ta investigando e kaso di huida aki di forma profundo. Ta hasi un yamada na komunidat, pa koperá ku polis i den kaso ku señalá e dama fugitivo, pa mèldu esaki mesora na sentral di polis via un dje numbernan di emergensia 911/ 917.
