Publiká riba 22 Ougùstùs 2019
WILLEMSTAD – Ministerio di Finansa ta informá ku pa motibu di kandela ku a surgí awe mardugá den edifisio di Servisio Sentral di Impuesto (Ontvanger), Inspekshon di Impuesto i BAB ta será pa públiko awe djaweps 22 i mañan djabièrnè 23 di ougùstùs 2019. E servisionan akí no ta alkansabel via di telefòn. BAB lo reanudá trabou djaluna 26 di ougùstùs i lo ta habrí pa públiko.
Pronto lo anunsiá kon i na unda Ontvanger, Inspekshon di Impuesto lo kontinuá ku servisio na públiko. Pago di impuesto ta kontinuá normal via di banko i PAGOmátiko.
Kousa di e kandela no ta konosí. Investigashon den kurso di e dianan akí lo determiná kousa di e kandela.
