Publiká riba 22 Yüli 2021
Meta di e bishita tabata na promé lugá pa sera konosí ofisialmente ku Minister di ESKD i pa dun’é un bista di e aktividatnan i posibilidatnan ku e universidat ta ofresé. Rektor Magnifikus sr. F. de Lanoy a duna un splikashon di e 5 fakultatnan i e sentro di investigashon (UCRI) di UoC.
Tambe a tene un presentashon kòrtiku di e plannan di e universidat pa loke ta trata e oferta edukashonal i di investigashon. Den e presentashon a splika i para ketu na e klof ku tin entre e konekshon di enseñansa primario-sekundario i terser enspeshal pa sigui studia na UoC. Na mes momentu a proponé na Minister diferente posibel solushon. Mas aleu, a ilustrá e diferente posibilidatnan kon UoC por asistí e Ministerio di ESKD. Alabes a para ketu na e importansia di enseñansa virtual i e kondishonnan mará na esaki.
Na final minister Van Heydoorn a palabrá ku ta bai aserká UoC pa sigui traha riba kolaborashon den e ministerio. Alabes akordá ku pronto ta hasi un bishita na UoC, pa sigui deliberá kon pa konkretisá e koperashon pa solushonnan duradero den enseñansa.
** riba e pòrtrètnan athunto por tuma nota di e bishita.