Publiká riba 17 Aprel 2019
Desaroyo di preis luna di mart 2019 kompará ku luna di febrüari 2019
E sifra índise di preis pa konsumidó (CPI, “Consumer Price Index”) di Kòrsou a baha ku 0,3 porshento na luna di mart 2019, esta di 129,9 na febrüari 2019 pa 129,5 na mart 2019. E kambionan di preis spesífiko ku mas a sobresalí durante mart 2019 ta bahada di preis di elektrIsidat, awa i gasolin (ku respektivamente 5.7%,3.3%, 8.6%). Kerozin a subi ku 7.2% i e grupo di batata, groenten i fruta a subi ku 3.3%.
Desaroyo di preis luna di mart 2019 kompará ku luna di mart 2018
E CPI di mart 2019 (129,5) ta 1,4 porshento mas haltu ku e CPI di mart 2018, na kual momentu un CPI di 127.7 a wòrdu midí. E sifra aki (1,4%) ta indiká ku e nivel di preis pa konsumidó durante luna di mart 2019 ta 1,4% porshento mas haltu kompará ku luna di mart 2018.
Desaroyo di kategoria di konsumo di luna di mart 2019 kompará ku luna di febrauri 2019
|
Kuminda |
0.8% |
|
|
2 |
Bebida i sigaria |
0.2% |
|
3 |
Paña i sapatu |
-0.1% |
|
4 |
Bibienda |
-0.9% |
|
5 |
Muebel, aparato i artíkulonan domestiko |
0.1% |
|
6 |
Salubridat |
0.1% |
|
7 |
Transporte i komunikashon |
-1.2% |
|
8 |
Rekreashon, Edukashon i Desaroyo |
-0.1% |
|
9 |
Sobrá |
0.0% |
Desaroyo di preis riba termino largu: inflashon mart 2019
Inflashon ta reflehá pèrdida di balor di sèn, pues di forsa di kompra, dor di subida di preis di produkto i servisio pa e konsumidó riba termino largu (usualmente 12 luna). E sifra di inflashon pues ta duna un indikashon di e subida promedio di kosto di bida, i pesey ta wòrdu rekomendá komo instrumento pa indeksashon di salario, penshun, ònderstant/ benefisio sosial, sueldo mínimo i otro entrada.
Inflashon den un sierto luna ta wòrdu kalkulá dor di komparashon di e CPI promedio di 12 luna den e luna konserní ku e CPI promedio di 12 luna den mes luna e aña anterior. Si kompará e periodo di e último 12 luna te ku mart 2019 ku mes periodo un aña anterior, ta resultá ku preisnan na averahe a subi ku 2,7 porshento: e CPI promedio di 12 luna a desaroyá di 126.0 na mart 2018 pa 129.4 na mart 2019. Inflashon na Kòrsou na mart 2019 pues ta 2,7 porshento.
Por akudí riba website di CBS (www.cbs.cw) pa un análisis mas ekstenso i e tabelnan ku sifra di desaroyo di preis na Kòrsou.
