Deseo pa tur Studiante di Region i Hulanda - Informashon tokante Gobièrnu di Kòrsou Bo opinion

Notisia

Deseo pa tur Studiante di Region i Hulanda

Geplaatst op 24 July 2019 dor di Ministerio Enseñansa, Siensia, Kultura & Deporte

Kerido studiantenan,

Boso ta pará dilanti un reto grandi! Un reto ku tin perpektivanan bunita pa futuro. E futuro ta den boso man.

P’esei Minister di Enseñansa,Siensia, Kultura i Deporte sra. Marilyn Alcalá-Wallé ta deseá tur studiante lo mehor durante di e añanan di estudio ku ta bini. E konseho ta pa skohe un estudio ku ta di agrado. Si resultá ku e estudio no ta di gustu, tuma kontakto ku e konsehero di estudio na e skol superior o un instituto di konseho profeshonal pa yuda skohe un estudio nobo. Keda ku bista riba boso futuro.

Hasi trabou boluntario kaminda ta posibel i hasi tur intento pa integrá mas tantu posibel den e komunidat nobo. Tene kontakto ku e base i famianan na Kòrsou. Ku e medionan moderno esei ta posibel. Mayoria studiante ta hasi un fiansa di estudio pa invertí den nan futuro. Ta hasi un fiansa na sea SSC i òf DUO. Minister Alcalá-Wallé ta hasi un petishon na tur studiante pa kontinuamente kobsultá ku e siguiente wèpsaitnan pa keda al tanto di informashon relevante: http://www.ssc.cw en https://duo.nl/particulier .

Si tin pregunta of nesesidat pa informashon afishonal, por fabor tuma kontakto ku e instanshanan di SSC i DUO pa mas informashon. Si resultá ku e instanshanan no tin oido, o tin inklaridat den atendementu ku petishonnan, tur studiante por entregá un keho por eskrito serka Minister ku na su turno ta sòru pa e kehonan wòrdu atendé.

Minister Alcalá-Wallé ta deseá tur studiante un temporada fruktífero i hasi boso bèst!

Ministerio konserní