Desishon di FEFFIK ta keda postponé pendiente di Diálogo Nashonal
Publiká riba 01 Yüni 2018
WILLEMSTAD – Despues di un reunion fruktífero ku a tuma lugá riba 1 di yüni, Minister di Enseñansa, Siensia, Kultura i Deporte, konhuntamente ku Minister Presidènt i Minister di Asuntunan Soshal i di Labor suplente, ta konfirmá ku a yega na e siguiente konsenso ku representantenan di sindikatonan:
- Ku e trayekto pa ku FEFFIK no a kana ku enbolbimentu di tur partido; entre otro no tabatin un Diálogo Nashonal;
- Ku ta proponé na Konseho di Minister pa suspendé ehekushon di e desishon tumá dia 9 di mei último;
- Ta bai un Diálogo Nashonal pa yega na palabrashonnan konkreto kon ta sigui ku e trayekto;
- Den e trayekto di Diálogo Nashonal ta tene kuenta i invitá tur “stakeholders”, esta partnernan ku ta relevante pa e proseso di FEFFIK, entre otro hóbennan, mayornan,
direktivanan di skol;
- Den oranan di atardi di 1 di yüni, despues di un reunion ekstraordinario di Konseho di Minister ta duna e resultado ofisial.
