Detayenan adishonal proponé pa loke ta trata restrinshon di tráfiko aéreo for di Oropa kuminsando 15 di mart 2020 - Informashon tokante Gobièrnu di Kòrsou Bo opinion

Notisia

Detayenan adishonal proponé pa loke ta trata restrinshon di tráfiko aéreo for di Oropa kuminsando 15 di mart 2020

Geplaatst op 14 March 2020 dor di Ministerio Asuntunan General i Promé Minister

Ta trata e operashonnan di KLM, TUI i Condor

  1. Ta sera Hato pa tur tráfiko aéreo for di Oropa for di dia 15 di mart te ku próksimo aviso.
  2. For di un bista operashonal i uso efisiente di tripulashon, KLM i TUI a duna di konosé di ke bula preferibelmente segun nan skemanan normal.
  3. Konforme desishon di Konseho di Minister, no por tuma pasahero for di Oropa, ku eksepshon di spesialistanan médiko, enfermeronan i otro profeshonalnan ku tin ku akordá.
  4. Gobiérnu di Kòrsou a disidí ku tur residente di Kòrsou (ingezetene), ku tin nan pasashi pa regresá for di Oropa, por haña e oportunidat pa bini bèk. Lo keda evaluá esaki diariamente.
  5. Tur pasahero ku ke biaha di Kòrsou bai Oropa, por hasi esaki segun e buelonan regular. KLM i TUI por lo pronto ta sigui ku e buelonan normal ku e numbernan di buelo regular.
  6. No tin prueba ku e vírùs por pega via di karga, pues no tin nodi di para buelonan di karga.
  7. Buelonan rumbo pa Amsterdam – Boneiru/Aruba – Kòrsou ta keda tuma lugá nòrmal. Pasaheronan for di Boneiru/Aruba ku ta bai Amsterdam via Kòrsou, ta keda den avion i no ta pasa via tránsito na Hato.
  8. E medidanan proponé ta keda na vigor te próksimo aviso!
  9. Mester traha un akuerdo ku Winair/Air Antilles i Aruba Airlines pa no tráfika pasaheronan for di Oropa ku Aruba Airlines, Winair i/òf Jetair pa Kòrsou.

Awe, djasabra dia 14 di mart, durante e seshon informativo di e último desaroyonan rondó di Kòrsou i Corona vírùs di tur dia mitar di 12 di mainta, ta splika e desishonnan aki mas ekstenso.

 

Ministerio konserní