Publiká riba 04 Sèptèmber 2017
Minister Zita Jesus-Leito di Ministerio di Tráfiko, Transporte i Planifikashon Urbano ta habri Monumento Habrí djadumingu, dia 11 di yüni próksimo. Apertura di e dia ta tuma lugá pa 9’or di mainta, dilanti di palasio di gobernador huntu ku Mr. Marcel van der Plank, presidente di fundashon Monumentenzorg Curaçao.
Meta di Monumento Habrí ta pa oumentá e konsientisashon di nos herensia di
konstrukshon serka pueblo di Kòrsou. Esaki ta asta mas importante e aña aki pa motibu ku henter 2017 ta duna atenshon na e echo ku Willemstad tin 20 aña kaba riba lista di Herensia Mundial di Unesco.
