Publiká riba 04 Sèptèmber 2017
Djadumingu 20 di ougùstùs 2017 ta Dia Nashonal di Transporte Públiko. Gobièrnu di Kòrsou na 2016 a dekretá e di tres djadumingu di luna di ougùstùs komo Dia Nashonal di Transporte Públiko. Riba e dia aki ta duna atenshon speshal na Transporte Públiko, ku ta entre otro: bùsnan grandi i chikí, taksi, bùsnan ku ta transportá alumnonan di skol, etc.
Minister Zita Jesus-Leito huntu ku Ministerio di Tráfiko, Transporte i Planifikashon Urbano ta felisitá tur ku ta traha den e sektor aki. Transporte públiko ta un nesesidat importante pa nos komunidat.
Gobièrnu, atraves di e Akuerdo di Gobernashon 2017-2021 titulá ‘Realisando Kòrsou su máksimo potensial’, a duna atenshon na e tópiko aki. Puntonan ku Gobièrnu ta bai enfoká riba dje durante di e periodo di gobernashon aki ta:
Minister Zita Jesus-Leito ta trahando debidamente na e puntonan aki. Minister a kuminsá ku konsultanan ku diferente aktor prinsipal den e sektor aki pa e haña un bista mas spesífiko di tur e puntonan di atenshon. Tambe Minister a reuní ku e tim di su ministerio ku ta trahando riba un maneho di mobilidat pa nos pais kual lo benefisiá e sektor mes i pueblo di Kòrsou.